Komisioni për Integrime Evropiane, kryesuar nga kryetarja, Rrezarta Krasniqi, ka mbajtur sot mbledhjen e radhës, në të cilën ka shqyrtuar tri projektligje.
Për qëllimin e këtyre projektligjeve foli kryetarja e Komisionit, Krasniqi, e cila bëri të ditur se ato përfshijnë amendamentet e Komisionit funksional nga aspekti i përputhshmërisë me legjislacionin e BE-së.
Pas shqyrtimit të tyre, Komisioni përkrahu vetëm Projektligjin për Prokurorin e Shtetit, ndërkaq, Projektligji nr.08/L-110 për Agjencinë e Kosovës për Akreditim, si dhe Projektligji për trajtimin e ndërtimeve pa leje, nuk u përkrahën.
