Një delegacion i minatorëve Miniera me Flotacion të Stan Tërgut, në përbërje: Hasan Potoku, kryetar i sindikatës së Stan Tërgut dhe Halit Ibishi e Hazir Haziri, anëtarë, i shoqëruar nga deputeti Ibush Jonuzi, është takuar sot me kryetartin e Kuvendit të Kosovës, Nexhat Daci dhe ka biseduar me tË për problemet me të cilat ballafaqohen minatorët.
Me këtë rast minatorët e Stan Tërgut i kanë dorëzuar kryeparlamentarit Daci mirënjohjen për angazhimin e tij për çështjen e minatorëve, të ndarë me rastin e pesëmbëdhjetë vjetorit të Grevës së madhe të minatorëve.
Duke u dëshiruar mirëseardhje dhe shprehur konsideratë për punën e madhe të minatorëve për çështjen e Kosovës, profesor Daci ka shprehur dyshim se e ka merituar këtë mirënjohje dhe ka shtuar se nuk është bërë sa është dashur për minatorët.
Duke bashëkndjerë sakrificat e mëdha të minartorëve dhe pozitën e rëndë materiale të familjeve të tyre, Daci është shprehur se në këtë fazë të tranzicionit, transformimi dhe rikonstruimi i ekonomisë lë pasoja të rënda, të cilat duhet të përballohen. Ai është shprehur se nuk duhet të kemi iluzuone se Trepça mund të riaktivizohet me ndyrhyrje buxhetore. Daci është shprehur se zgjidhja duhet kërkuar nëpërmjet privatizimit dhe pjesë-pjesë, sipas kërkresave të tregut.
Duke folur për papunësinë e madhe në Kosovë dhe problemin shumë të madh të kthimit në punë të punëtorëve të dëbuar nga regjimi serb, Daci është shprehur se duhet të akceptohet realiteti i ri historik dhe fakti që, megjithë dëshirën e mirë, jo të gjithë punëtorët e dëbuar mund të kthehen në punë.
Në takim është folur edhe për zhvillimet politike në Kosovë, për punën e institucioneve të Kosovës, për privatizimin dhe për çështje të tjera që i preokupojnë qytetarët e vendit.