Në periudhën nga 13 marsi 2006 e deri më sot janë mbajtur 16 mbledhje të Kryesisë së Kuvendit të Kosovës, janë mbajtur 8 takime me shefat e grupeve parlamentare, 2 takime me kryetarët e komisioneve dhe 11 seanca plenare, nga të cilat 2 kanë qenë dyditore, 1 e jashtëzakonshme dhe një seancë ka qenë treditore. Po në këtë periudhë, kam pritur në audiencë 8 ambasadorë të shteteve të ndryshme. Kam pasur 29 takime me shefat e Zyrave të huaja Ndërlidhëse në Kosovë. Tek unë, në audiencë, kanë qenë 13 delegacione të ndryshme nga bota, 5 delegacione parlamentarësh nga bota, 14 asociacione e individë që lidhen me punën e Parlamentit ose që ndihmojnë në mënyra të ndryshme Parlamentin e Kosovës. Takimet e mia me Presidentin e Kosovës dhe me Kryeministrin e Kosovës janë takime me karakter pune. Kam pasur edhe 7 takime me ministra të Qeverisë së Kosovës.
Me zyrtarët më të lartë të UNMIK-ut kam pasur 8 takime, me zyrtarë të lartë të KFOR-it kam pasur 2 takime, me zyrtarë të lartë të OSBE-së “ 11 takime.
Kam pritur 2 herë zyrtarë të lartë të Policisë së UNMIK-ut, 1 herë zyrtarë të lartë të TMK-së dhe 1 herë zyrtarë të lartë të SHPK-së. Nga 13 marsi 2006 e deri më sot kam aplikuar edhe programin Afri me qytetarët dhe në këtë periudhë kam pasur 40 takime me delegacione nivelesh të ndryshme nga Kosova. Jam takuar edhe me 63 individë.
Kam pritur edhe 8 delegacione të partive të ndryshme nga Kosova dhe jashtë saj.
Në këtë periudhë kam pasur edhe takime të rregullta me përfaqësuesit e NDI-së, të USAID-it, të Paktit të Stabilitetit e të asociacioneve të tjera që ndërlidhen me punën e Kuvendit të Kosovës.
Pa llogaritur prononcimet e mia ad-hoc para medieve të shkruara e elektronike, nga 13 marsi 2006 e deri më sot, unë kam dhënë 13 intervista për mediet e shkruara e elektronike.
VIZITAT JASHTË VENDIT:
Në periudhën nga 13 marsi 2006 e deri më sot kam realizuar dy vizita zyrtare jashtë vendit: njërën në Shqipëri dhe tjetrën në Amerikë, dhe kam marrë pjesë në një konferencë për pakicat në Selanik të Greqisë dhe në varrimin e ish-kryeparlamentarit të Shqipërisë, Pjetër Arbnori.
I. Vizita në Shqipëri
Në fillim të mandatit tim si kryetar i Kuvendit të Kosovës kam deklaruar se vizita e parë që do të bëj si kryeparlamentar do të jetë në Shqipëri dhe kësaj edhe iu përmbajta. Kjo vizitë në Shqipëri u realizua më 7, 8 dhe 9 prill 2006 dhe atje shkova bashkë me anëtarët e Kryesisë së Kuvendit të Kosovës: Sabri Hamiti, Xhavit Haliti, Ramë Buja, Naim Maloku dhe Gazmend Muhaxheri, të shoqëruar nga shefi i Misionit të Republikës së Shqipërisë në Kosovë, Bujar Muharremi, i ftuar nga kryeparlamentarja e Shqipërisë, zonja Jozefina Topalli. Patëm takime vëllazërore me zonjën Jozefina Topalli, me kryeministrin Sali Berisha, me ministrin e Jashtëm Besnik Mustafaj dhe me përfaqësuesit e partive opozitare: Petro Koçi, Skënder Gjinushi, Sabit Brokaj dhe Pirro Lutaj, me të cilët këmbyem mendime dhe përvoja parlamentare. Gjithashtu ishim mysafirë edhe të Bashkisë së Durrësit. Vizituam Muzeun e Durrësit, si dhe patëm një drekë pune me deputetët e zonës së Durrësit dhe të Kavajës në Kuvendin e Shqipërisë.
Duhet thënë edhe këtë se delegacioni i Kuvendit të Kosovës u prit dhe u përcoll me nderimet më larta ceremoniale nga protokolli i shtetit shqiptar.
II. Vizita në Amerikë
Me bashkëpunëtorët e mi të ngushtë: Ramë Manaj, But Dedaj e Behxhet Haliti, nga 14 maji e deri më 20 maj 2006 ishim për vizitë zyrtare në Shtetet e Bashkuara të Amerikës.
¢ Në Aeroportin Xhon Kenedi në Nju-Jork na pritën veprimtarë shqiptarë.
¢ Jemi pritur në Nju-Jork nga Frenk Uizner, i dërguar i posaçëm i SHBA-ve në procesin negociator për Kosovën. Frenk Uizner shtroi një drekë pune dhe ky takim me të zgjati mbi 2 orë.
¢ U takuam me komunitetin shqiptar të Nju-Jorkut me rrethe. Të pranishëm në sallë ishin mbi 200 veta. U shtruan shumë pyetje dhe u dhanë përgjigje në to.
¢ U takuam me Këshillin Kombëtar Shqiptaro-Amerikan në Nju-Jork. Takimin e udhëhoqi Riçard Llukaj, kryetar i KKSHA-së, ndërsa të pranishëm ishin edhe anëtarët e tjerë të KKSHA-së: Avni Mustafa, Altin Aliahmeti, Llu Fundos, Musa Dakaj dhe Halil Mula.
¢ Në State Departmentin Amerikan në Uashington u pritëm nga zëvendësndihmësja e sekretares në Departamentin e Shtetit për çështje të Evropës dhe të Euroazisë, Rozmari Di Karlo.
¢ Po në State Departmentin Amerikan u pritëm edhe nga Bertram Braun, drejtor për Evropën Juglindore në Këshillin e Lartë të Sigurisë Kombëtare të SHBA-ve.
¢ U takuam edhe me zonjën Laurie Dundon, shefe e Zyrës së zonjës Medlin Ollbrajt dhe me zotin Xhejms O™Brajen, po nga Zyra e zonjës Ollbrajt.
¢ Morëm pjesë në një tryezë të rrumbullakët, të organizuar nga Departamenti i Shtetit, moderator i të cilës ishte Çarlls English, drejtor i Zyrës për Çështje të Evropës Jugore dhe Qendrore, e në të cilën morën pjesë dhe shtruan pyetje 10 përfaqësues të sektorëve të ndryshëm të Departmentit të Shtetit.
¢ Në Kabinetin e senatorit Xhozef Bajden, në Uashington, u pritëm nga Tomicah Tilleman, anëtar i Stafit Profesional.
¢ Në Institutin Nacional-Demokratik (NDI) u pritëm nga Robert Benxhamin, drejtor rajonal për Evropën Qendrore dhe Juglindore dhe nga Katherine Messina, zëvendëse e tij.
¢ Kemi pasur takim të ngrohtë miqësor me kongresistin Eliot Engëll.
¢ Jemi takuar dhe kemi shkëmbyer mendime edhe me Morton Abramoviçin, dikur ambasador i SHBA-ve dhe njohës i mirë i rrethanave në rajonin tonë.
¢ Në aeroportin e Detroitit na kanë pritur veprimtarë të shumtë shqiptarë.
¢ Kemi mbajtur takim me komunitetin shqiptar të Detroitit dhe në këtë tubim kanë marrë pjesë mbi 250 veprimtarë, të cilët edhe kanë shtruar shumë pyetje.
¢ Kemi vizituar kishën katolike shqiptare Shën Pali të Detroitit dhe jemi takuar me famullitarin e këtij tempulli fetar, don Anton Kqira, si dhe me arqipeshkvin e Tivarit, aktualisht administrator i Ipeshkvisë së Kosovës, imzot Zef Gashi. Kurse, në Kishën e Zonjës Pajtore, po në Detroit, jemi takuar me famullitarin e kësaj kishe, don Ndue Gjergji, dhe me vikarin e Kishës Katolike Shqiptare të Kosovës, don Lush Gjergji.
¢ Kemi vizituar edhe Qendrën Islamike Shqiptare të Detroitit dhe jemi takuar me imamin e kësaj qendre Shauib Gërguri, me bashkëpunëtorë.
III. Pjesëmarrja në konferencën e Selanikut
Më 20 e 21 qershor 2006, me bashkëpunëtorët e mi: Ramë Manaj e Skënder Durmishi, mora pjesë në punimet e Konferencës mbi kornizën ligjore për të drejtat e komuniteteve në Kosovë, e cila u mbajt në Selanik të Greqisë, organizuar nga Qendra Evropiane për Çështje të Pakicave dhe Këshilli Konsultativ në kuadër të Grupit Negociator të Kosovës.
Gjatë qëndrimit në Selanik, ku mbajta fjalën e hapjes në këtë konferencë, zhvillova një takim me anëtarin e kabinetit të Qeverisë së Greqisë, ministrin Jorgos Kalanxis. Ministri Kalanxis është i ngarkuar në dikasterin për Maqedoni dhe Thraki me seli në Selanik. Takimi u mbajt me iniciativën e Qeverisë Greke.
IV. Pjesëmarrja në varrimin e ish-kryeparlamentarit të Shqipërisë, Pjetër Arbnori
Më 10 korrik 2006 kam marrë pjesë në varrimin e ish-kryeparlamentarit të Shqipërisë, Pjetër Arbnori, në Shkodër dhe atje kam qenë me dy anëtarët e Kryesisë: Sabri Hamiti dhe Xhavit Haliti.
Në periudhën e ardhshme, sigurisht pas pushimeve të verës, do të realizoj disa vizita, me anëtarë të Kryesisë së Kuvendit dhe me bashkëpunëtorët e mi, në vende të rajonit dhe në vende të Evropës Perëndimore.