Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi, mbajti mbledhjen konstituive, të udhëhequr nga Ardian Gola, kryetar.
Fillimisht, kryetari Gola prezantoi anëtarët e komisionit dhe shprehu gatishmërinë e tij për një bashkëpunim sa më konstruktiv, në mënyrë që të arrihen objektivat e komisionit.
Anëtarët e komisionit, po ashtu shprehën shqetësimet e tyre lidhur me situatën e krijuar nga pandemia Covid-19, si dhe adresuan sfidat në fushën e arsimit, duke filluar nga Akademia e Shkencës, universitetet, shkollat e mesme e deri te mësimi parafillor, rishikimi i ligjeve, statutet universitare etj.
Në fund të mbledhjes anëtarët e komisionit vleresuan rëndësinë dhe peshën që ka ky komision, duke u zotuar në përmbushjen e obligimeve që i presin gjatë procesit të punëve në vazhdim.
